Penar butir mato dah sero. Duk ngadap ABT tahun semaso. Ado masalah kito jupo ketuo. Samo-samo bince samo-samo pecoh palo.
Time rehat kito tubik cuci mato. Bele-bele nok cari daun kunyit dan lado. Aponyo sebesar Lotus takdok la pulok meta ko buke hari rayo. Besday boy nok make rendang daging yang dibeli mok sedaro.
Make nasi bukuh kenye nyandar ngatuk butir mato. Tapi tokleh tido sebab kijo banyok la pulok sehari duo. Hujung tahun supo sekalo. Sama-sama bantu unit bantuan nok perabih pitis yang ado.
Mujurlah jugok loni tok jadi ketuo. Berbelas tahun kito jadi Penyelaras asyik nok bbaloh denge staf suruh cepat-cepat siap kajisemula supo sekalo. Raso loni tene jiwo. Ruponyo sedap jugok tok jadi ketuo.
Pegelah prinsip yang kito cipto. Jange buh air banyok dalam gelas kito. Gelas kecik wat caro kecik gelas besar ikutlah nok sumbat banyok mano.
Comments
Post a Comment